Shi i rrëmbyeshëm në disa zona të Kosovës, Gjilani aktivizon shtabin emergjent

Shiu i rrëmbyeshëm ka shkaktuar përmbytje në disa komuna të Kosovës gjatë së shtunës. Nga shiu janë prekur Vitia, Rahoveci, Kllokoti, Gjilani dhe disa zona e Dukagjinit.

Komuna e Gjilanit ka aktivizuar shtabin emergjent, ku deri tash janë 52 kërkesa për ndihmë, kryesisht nga drejtuesit e veturave në komunikacion. Bëhet e ditur se një familje në lagjen Deremhallë të Gjilanit është evakuuar.

Komuna ka apeluar qytetarët që gjatë kohës së reshjeve të mos qarkullojnë me vetura, ndërsa për probleme mund të drejtohen në numrat 112 dhe 193.

LEXO EDHE  Vjosa Osmani akordon Medaljen e lartë për djalin e Joe Biden

Reshje shiu ka pasur edhe në Prishtinë dhe komuna të tjera mirëpo nuk raportohet për dëme apo të lënduar.

Instituti Hidrometeorologjik i Kosovës ka njoftuar se vendi do përballet me vranësira të dendura që përpos reshjeve të shiut, do të ketë edhe shkarkime rrufesh./meteoballkan