“Ne po hamë ende makarona. Po ju?”, Bonucci vijon talljet me Anglinë

Finalja e Kampionatit Europian, e fituar nga Italia në finale ndaj Anglisë vazhdon të prodhojë ende polemika dhe aktorët kryesorë janë dy mbrojtësit e Juventusit, Leonardo Bonucci dhe Giorgio Chiellini.

Të dy po shijojnë disa ditë pushime dhe përmes postimeve të tyre ngacmojnë anglezët, që tashmë janë stepur nga ajo disfatë, pas gjithë entuziazmit para ndeshjes.

“Ne po hamë ende makarona. Po ju?”, shkruan Bonucci në një foto të publikuar në rrjetet sociale ku ai dhe Chiellini po përgatiten të hanë një racion pasta, duke thumbuar edhe një herë tjetër anglezët.

LEXO EDHE  Milani pranë blerjes së madhe, ylli i Realit drejt San Siros

Ky ngacmim vjen pas një tjetër ngacmimi, që Bonucci ua bëri anglezëve direkt pas finales. “Duhet të hani ende makarona! Hani është ca makarona!”, shprehej Bonucci.

 

View this post on Instagram

 

A post shared by Leonardo Bonucci (@bonuccileo19)

“Hani edhe ca makarona”, është një shprehje italiane që do të thotë “fitoni më shumë përvojë” dhe shpesh përdoret edhe në futboll, në këtë rast për anglezët, që sipas Bonuccit ende nuk kanë eksperiencën e duhur për të fituar trofe.