Mediat zvicerane i japin shpresë Partizanit: Baseli përforcoi repartin e gabuar, nuk janë aty ku duhet!

Partizanin e pret një duel historik këtë javë në Ligën e Konferencës ndaj një kundërshtari të mësuar të luajë në arena të rëndësishme në Europë në vitet e fundit si Bazeli. Për të kuqtë, kjo është padyshim një sfidë shumë e vështirë, pavarësisht formës që kanë treguar në turin e parë të turneut.

Por duket se në kampin zviceran jo çdo gjë është mirë dhe këtë e tregon edhe një shkrim i publikuar nga e përditshmja zvicerane “Blick”. Kjo e fundit ka analizuar merkaton e klubeve të futbollit zviceran dhe duke u ndalur te Bazeli, ka evidentuar se si ndërhyrjet që janë bërë në verë në fakt nuk e kanë përforcuar ekipi aty ku duhej më shumë.

“Humbje ndaj Hamburg e Thun, një barazim ndaj Arau, 5 gola të pësuar ndaj skuadrave të kategorisë së dytë dhe 4 ndaj Dinamos së Kievit. Jo, Bazeli nuk është ende në formën që shpresohet. Dhe as që i afrohet në pjesën prapa.

LEXO EDHE  Messi vendosi me “shpatulla pas murit” Barçën, ja shifra e çmendur që kërkoi lojtari dhe familja e tij

Ndoshta kërkohet edhe një portier tjetër që të konkurrojë me Linder. Dhe një mbrojtës i djathtë që të zëvendësojë Vidmer. Gjithashtu, Bazeli ka një problem në qendër të mbrojtjes dhe është e mundur që Fabian Frai do t’i duhet që të ndihmojë në prapavijë. Bazeli është përmirësuar në fazën ofensive. Me Liam Miller dhe Sebastiano Esposito, janë afruar dy talente me potencial të jashtëzakonshëm. Por problemi është se faza e avancuar ishte e përfaqësuar mirë në sezonin e kaluar dhe problemi kryesor ishte në fazën mbrojtëse”, shkruhet në artikullin e “Blick” që i kushtohej merkatos dhe lëvizjeve që janë bërë, ose më saktësisht nuk janë bërë, nga Bazeli.