Liga e Konferencës/ Partizani përballë Basel, UEFA cakton arbitrin që do të vendosë drejtësi

Është caktuar nga UEFA skuadra e arbitrave që do të gjykojnë ndeshjen mes Baselit dhe Partizanit që do të luhet në “St. Jakob Park”.

Kjo sfidë është e para e turit të dytë të Ligës së Konferencës, me Baselin që në letër është favorit për të kaluar më tutje por Partizani do të synojë të surprizojë zviceranët, dhe të tregojnë veten në arenën europiane.

Sfidën e parë mes dy ekipeve e gjykon një skuadër arbitrash nga Holanda. Kryesor do të jetë 35-vjeçari, Dennis Higler, i ndihmuar nga Çarls Shuap dhe Roi de Nas. Arbitër i katërt do të jetë Xhoi Koij.

STATISTIKAT – Kryesori Dennis Higler është një emër shumë i njohur në futbollin holandez, pasi ka arbitruar më shumë se 200 ndeshje në Euredivisie elitën e futbollit holandez. Madje, Higler ka qenë në dhomën e VAR-it në gjysmëfinalen e Ligës së Kampionëve mes PSG-së dhe Mançester Sitit të luajtur sezonin e shkuar.

LEXO EDHE  Transferimi i Bardhit në Turqi, ja paga që do të përfitojë talenti i akademisë së Partizanit

Gjatë karrierës së tij, Denis Higler ka arbitruar plot 360 ndeshje, ku ka akorduar 1107 kartonë të verdhë. Higler është po ashtu një arbitër që nuk stepet aspak nga kartoni i kuq, pasi ka akorduar plot 86 të tillë. Edhe sa u takon penalltive, arbitri holandez është “dorëlëshuar”.

Në 360 ndeshjet që ka arbitruar, ka akorduar plot 122 penallti, duke dhënë një 11-metërsh në çdo 2.9 ndeshje. Një arbitër i rreptë.