Bëri për spital “vizitorin” nga Tirana, arrestohet 46-vjeçari (EMRI)

Policia e Maliqit në bashkëpunim me shërbimet e Stacionit të Policisë Kufitare Qafë Thanë kanë ndaluar një 46-vjeçar të përfshirë në plagosjen e një personi.

Mësohet se në pranga ka rënë Blenard Hasandoçaj, banues në fshatin Zëmblak, Maliq.

46-vjeçari në bashkëpunim me persona të tjerë, ditën e djeshme në fshatin Zëmblak, dyshohet se janë konfliktuar fizikisht me shtetasin J. G., 42 vjeç, banues në Tiranë, i cili për pasojë ka marrë dëmtime trupore dhe është dërguar në Spitalin e Traumës në Tiranë, ku ndodhet nën kujdesin e mjekëve.

LEXO EDHE  FOTO/ Kush është 18-vjeçari që humbi jetën në aksident në Pogradec

Mësohet se konflikti ka ndodhur për motive të dobëta.Përveç dhunës fizike me grushta e shkelma, autori Blenard Hasandoçaj dyshohet se e ka goditur 42-vjeçarin  edhe me sende të forta.

I plagosuri ka marrë dëmtime në kokë dhe në trup.

Nga ana e Policisë, po punohet për dokumentimin e plotë të ngjarjes dhe vënien përpara përgjegjësisë ligjore, të personave të tjerë të përfshirë në këtë konflikt.

Materialet i kaluan Prokurorisë pranë Gjykatës së Shkallës së Parë Korçë për veprën penale “Plagosja e rëndë me dashje”, kryer në bashkëpunim.