VIDEO/ Goleadë e Milanit në miqësore, shkëlqejnë yjet

Milani ka shkëlqyer në testin e parë miqësorë në përgatitjet për sezonin e ri, duke mundur thellë 6-0 Pro Seston, që milion në Serinë C italiane.

Pioli hodhi formacionin më të mirë në fushë më lojtarët që ka momentalisht në përbërje me emra si Teo, Romanjoli, Tonali, Benaser e Leao. Në minutën e 19-të të takimit, mesfushori algjerian Benaser kaloi kuqezinjtë në avantazh me një diagonale të bukur nga e majta.

Vetëm 3 minuta më vonë, nga i njëjti pozicion Leao dyfishoi shifrat pas një asisti të Daniele Maldinit, djalit të legjendës Paolo Maldini. 7 minuta nga fundi i pjesës së parë, Kastijeho realizoi golin e tretë për Milanin me një gjuajtje të bukur nga jashtë zone.

Në pjesën e dytë, Fasolini shkaktoi autogol duke çuar në 4-0 rezultatin në favor të kuqezinjve. Në fundin e takimit Milani shënoi dhe dy herë me qendërmbrojtësin Kerkez pas dy asistëve të mrekullueshëm nga mesfushori i Italisë U21, Tomaso Pobega. Kuqezinjtë shkëlqejnë kështu në miqësoren e pare duke treguar formën e mirë të skuadrës dhe pse në mungesë të disa lojtarëve të rëndësishëm.

 

LEXO EDHE  VIDEO/ Manaj i pafat, portieri i Stuttgart i mohon golin e radhës me Barçën