Juventus nuk heq dorë nga dëshira për të rikthyer në Torino boshnjakun, Miralem Pjanic. Trajneri, Massimiliano Allegri kërkon një regjisor për në mesin e fushës dhe Pjanic mendon se është ai i duhuri. Por për të arritur tek ai, duhet bindur Barcelona, që aktualisht ka nën zotërim kartonin e tij.
Kriza e madhe që ka kapluar të gjithë skuadrat ka kthyer në trend formulën e huazimit, ose të shkëmbimit kokë më kokë me një tjetër futbollist. E për të arritur tek ai, Juventus ka gati kartonin e Aron Ramsej.
Uellsiani nuk ka bindur në Torino dhe një kalim në “Camp Nou” do ishte një hap i mirë si për karrierën ashtu edhe për vazhdimësinë.
Megjithatë problem mbetet paga e tij, me presidentin e Barcelonës, Huan Laporta që nuk ka ndërmend të rrisë borxhet dhe të shtojë buxhetin për rrogat e lojtarëve. Edhe mosha e dy futbollistëve është e ngjashme, me Pjanic që ka festuar ditëlindjen e 31, ndërsa Ramsej është një vit më i ri.
