Humbja më 25 prill, Berisha: Përgjegjësia nga anëtari më i thjeshtë te Lulzim Basha

Kur humbi zgjedhjet e përgjithshme parlamentare të 2013, ish-Kryeministri Sali Berisha mori mbi supe përgjegjësinë e humbjes dhe dha dorëheqjen nga funksionet drejtuese në PD, duke qëndruar një prej deputetëve të kësaj partie.

Sot 8 vjet nga 2013, kur PD ka humbur dy palë zgjedhje parlamentare nën drejtimin e Lulzim Bashës, Berisha shprehet se përgjegjësia e humbjes është nga anëtari i seksionit, te kryetari i seksionit apo grupseksionit deri te Kryetari i PD-së.

Duke iu përgjigjur interesit të gazetarëve lidhur me përgjegjësin që ka kreu aktual i PD në humbjen e 25 prillit, Berisha tha se kjo nuk mbetet vetëm tek Basha por tek çdo strukturë e Partisë Demokratike.

LEXO EDHE  "Duart e krimit janë shtrirë mbi financat publike", SPAK thërret për të dëshmuar Petro Koçin

“Përgjegjësia për zgjedhjet fillon nga anëtari kryetari i seksionit dhe përfundon tek kryetari i PD dhe anëtarët e këshillit e kryesisë. Nuk ka diskutim që këto ishin zgjedhjet të regjimi mafioz dhe narkoshteti të instaluar. Por detyra e çdo demokrati nga ky Kuvend është një betim solem. Për të mos lënë gurë pa kthyer dhe përpjekje pa bërë për të përmbysur sa më shpejt narkoshtetin e vetëm në Europë. Opozita është sot në situatë jo të favorshme po ka një armatë prej 730 mijë shqiptarësh” tha Berisha.