Zgjedhja e anëtarëve të Këshillit Kombëtar, Basha: Ja pse vota e delegatëve ka peshë

Rreth 7 mijë delegatë me të drejtë vote në Kuvendin Kombëtar të PD po votojnë për zgjedhjen e anëtarëve të rinj të Këshillit Kombëtar, ku në një listë me rreth 600 emra do të përzgjidhen 300 të tillë, që do të përbëjnë edhe trupën më të rëndësishme politike mes dy Kuvendeve Kombëtare.

Kreu demokrat, Lulzim Basha, ndërsa ka përzgjedhur emrat në flotën e votimit, në një mesazh shprehet se në këtë kohë përcaktuese për fatin e vendit, vota e çdo delegati merr një peshë të madhe duke zgjedhur përfaqësuesit që do të luftojnë çdo ditë për shqiptarët dhe që do të jenë çdo ditë pranë tyre.

LEXO EDHE  Goditja/ Berisha e kthen batutën ‘do hani bar’ kundër Yuri Kim

“Ata na dhanë një besim të jashtëzakonshëm për planet tona konkrete të të gjitha fushave: për ekonominë, për arsimin, shëndetësinë, punësimin, përballimin e kostos së jetesës, dhe kurimin e plagës së emigracionit.

Ne jemi të përkushtuar ndaj angazhimeve tona më shumë se kurrë, dhe nuk do të ndalojmë së luftuari për qytetarët e Shqipërisë, derisa t’i bëjmë ato realitet”, shprehet Basha.