Dy vëllezërit shqiptarë vrasin ish-bankierin gjatë momentit që po tërhiqte para

Dy vëllezër shqiptarë akuzohen si autorë të vrasjes së një ish-bankieri, ngjarje që ka ndodhur në qytetin e Leçes në Itali.

Dy shqiptarë dyshohet se vranë 69-vjeçari Giovanni Caramuscio, një ish-menaxher banke, që kishte dalë në pension.

Nga raportimet e mediave italiane, 69-vjeçari ishte duke tërhequr para në një ATM banke kur u vra gjatë natës në Lequile.

Shqiptarët janë filmuar nga kamerat e sigurisë teksa kryen vrasjen ndërsa ishin të maskuar me maskë antiCovid. Por ajo që i ka tradhëtuar dy vëllezërit shqiptare është fakti se gjatë arratisjes kishin lënë shumë gjurmë.

LEXO EDHE  VIDEO/ Banorët e Lumasit në ditën e dytë të grevës së urisë, 2 prej tyre në gjendje të rënduar

69-vjeçari u vra në sy të gruas së tij dhe identiteti i shqiptarëve është bërë pas dëshmisë së saj para hetuesve. Ndërkohë policia po kërkon armën e krimit që mund të sjellë detaje të reja lidhur me ngjarjen.

Këtë mëngjes zhytësit e ekipit të zjarrfikësve u futën brenda një pusi në një distancë të shkurtër nga banka. Sidoqoftë, kërkimet për armën e vrasjes nuk dhanë asnjë rezultat.