Nënkryetari i PD-së, Edi Paloka, ka ironizuar Kryeministrin Edi Rama, përmes një postimi në rrjetet sociale, pasi Kreu i Qeverisë, u shfaq në Vlorë, në show e rradhës për të denigruar Kryebashkiakun e Rilindjes, Dritan Leli.
Rama u shfaq duke mbledhur mbeturina me dorë, si për të treguar se Leli nuk po bën detyrën me pastrimin e qytetit.
Por si për ironi, qyteti i Durrësit, ku Rama zgjodhi të marrë mandatin e deputetit në zgjedhjet e fundit parlamentare, është mbuluar nga plehrat.
Prej ditësh nga Durrësi raportohen pamjet ku rrugët janë mbuluar nga plehrat, ndërsa Rama shfaqet në Vlorë si “pastrues”.
“Deputeti i Durrësit shkon të bëj show në Vlorë vetëm për të denigruar Lelin që ja ka menderosur. Po çuditërisht as nuk i sheh e as nuk ka thënë një fjalë për plehrat në Durres, në qytetin ku naltgjatësia zgjodhi të jetë deputet”, shkruan Paloka.
