Vijojnë të zbulohen skena të turpshme e të papranueshme nga tifozët anglezë. Ngjarjet e finales së EURO 2020 shokuan të gjithë tifozët anë e mbanë botës dhe rastet që zbulohen nuk kanë fund.
E radhës është denoncimi shokues nga 43 danezë të cilët rrëfyen se janë rrahur barbarisht nga tifozët anglezë në gjysmëfinalen e luajtur mes dy skuadrave në “Ëembley”.
Është rrjeti BT që raporton dëshmitë e tifozëve nordikë të dhunuar e që kanë treguar skenat e turpshme, por kjo fjalë do të ishte pak për t’i përshkruar sepse nuk janë kursyer as fëmijët nga dhuna barbare e anglezëve.
“Kemi qenë viktimë e ngacmimeve dhe dhunës nga tifozët anglezë. Këta të fundit nuk kanë kursyer as një fëmijë 9 vjeç i cili është bërë objekt i talljes dhe bullizmit të përsëritur në shkallët e “Ëembleyt” e ndërsa jashtë impianit babain e tij e goditën me grushta në fytyrë dhe në stomak në sy të djalit”.
Kjo ishte dëshmia më e fortë e denoncuesve danezë të cilët rrëfyen skenat e turpshme për një vend si Anglia e për më tepër ne një impiant historik si “Ëembley” në kryeqytetin anglez.
Edhe pse policia britanike ka prangosur disa tifozë apo të ketë ngritur akuza për disa të tjerë, skenat e dhunës, bullizmit dhe çmendurisë nga mbështetësit anglezë do të mbeten një njollë e gjatë për Anglinë dhe futbollin ishullor.
