Situatë e rëndë dhe në Belgjikë, 12 të vdekur dhe 5 të zhdukur

Numri i të vdekurve nga përmbytjet që shkatërruan zona të mëdha të Belgjikës është ende në rritje.

Numri i të vdekurve ka arritur në 12 ndërsa pesë persona rezultojnë ende të zhdukur.

Mbi 20 000 njerëz janë pa energji elektrike.

Numri më i madh i viktimave u raportua në provincën e Liezhit.

Qendra e qytetit u evakuua natën e kaluar nga frika e tejmbushjes së lumit Meuse niveli i të cilit duket se është stabilizuar.

Vendi po përjeton një tronditje për shkak të një fenomeni që media e përcakton se ka përmasa historike.