Veprimi i policëve me të moshuarën/ Çepa: Ajo zonja duhet të ishte duke shijuar pensionin e saj

Aktivistja Edlira Çepa, ka komentuar videon që është bërë virale në rrjetet sociale, shihen punonjësit e policisë bashkiake të cilët kanë hedhur përtokë prodhimet e një gruaje të moshuar.

E ftuar në emisionin “Ditë e Re,” ajo thotë se zonja ka zgjedhur që të shesë prodhimet e saj atje, pasi nuk ka mundësi që të paguajë taksa dhe të shesë në vende të caktuar në tregje.

Sipas saj, blerësve ambulantë të cilët nuk kanë mundësi që të paguajnë taksa, duhet t’u jepet hapësirë në tregjet përkatëse.

“Ka një rregullore të caktuar për të shitur në vende të caktuar edhe për shkaqe të organizimit të qytetit edhe të sigurisë etj. Ka një hapësirë shumë të madhe mes ligjit ose akteve vendore e dhe pjesës së gjithë përfshirjes sociale dhe mbështetjes sociale, janë të dyja shërbime që duhet t’i ofrojë Bashkia, pra vërtetë ka vende të caktuara në Tiranë  në të cilat shitet, ku paguhen taksat dhe paguajnë taksat, por ka edhe një shtresë,e  cila është e varfër dhe nuk ka mundësi për të shitur në vende të caktuara.

Ne këtyre  tregtarëve ambulantë, mund t’u japim një mundësi, që aty te tregu, ku paguhen taksa, t’u jepet një hapësirë për këta persona që realisht nuk kanë mundësi që të paguajë taksa. Jam e sigurt që ajo zonja nuk ka mundësi që të paguajë një taksë që paguajnë tregtarët. Ajo nuk është tregtare, është një zonjë nga fshati e cila ka bazën e vet, të cilat ka nevojë t’i shesi.

Ne duhet të promovojmë jo vetëm mbështetjen sociale, por nga ana tjetër duhet të promovojmë këta njerëz që zgjedhin të jetojnë me dinjitet. Ajo zonja duhet të ishte duke shijuar pensionin e saj.”

LEXO EDHE  Nishani: Opozita të kërkojë në Parlament ligjin për Vetingun e politikanëve