U konfirmua në detyrë nga KPK, Komisioneri Publik ankimon vendimin për gjyqtarin e Tiranës

Komisioneri Publik kërkon rivlerësimin e gjyqtarit të Tiranës Gerd Hoxha, i konfirmuar në detyrë nga KPK.

Më 3 Qershor, Komisioni i Pavarur i Kualifikimit konfirmoi në detyrë gjyqtarin Hoxha. Një muaj më pas, Operacioni Ndërkombëtar i Monitorimit (ONM) kërkoi nga Komisioneri Publik që të ankimojë vendimin e KPK.

LEXO EDHE  Publikohen projeksionet 3 D/ Ja si ndodhi aksidenti tragjik në Kroaci (Video)

Këtë të Enjte, Komisioneri Publik Darjel Sina depozitoi pranë Kolegjit të Posaçëm të Apelimit ankimin ndaj vendimit të KPK-së.

Sipas Komisionerit Publik, përfundimi i KPK është i cënueshëm, hetimi nuk ka qenë i plotë dhe i gjithanshëm, ndaj dhe kontrolli i Kolegjit në këtë rast është i nevojshëm.