Pësoi abort, 23-vjeçarja vishet si infermiere dhe tenton të rrëmbejë një fëmijë nga materniteti

Në gjendje të dëshpëruar, një 23-vjeçare u vesh si infermiere për të vjedhur një foshnjë në një spital pasi kishte pësuar abort. Talita Meireles, nga Curtiba Brazil, i tregoi burrit të saj që planifikonte të merrte një fëmijë tjetër dhe ta rriste atë si të tijën.

Sipas mediave të huaja, ajo humbi në mënyrë tragjike foshnjën e saj në 27 qershor dhe vuante nga depresioni. E veshur si infermiere, ajo vendosi të merrte një fëmijë nga një nënë tjetër në repart dhe më pas u përpoq të largohej nga spitali me fëmijën në krahë.

Pasi u kap, 23-vjeçarja i tha policisë:

Kam humbur fëmijën tim. Unë thjesht nuk doja t’i tregoja familjes time. Nuk doja t’i tregoja askujt. Unë me të vërtetë nuk e di se çfarë më ka ndodhur. Isha e dëshpëruar. Shkova të shikojë fëmijët. Fillova t’i shikojë. Doja të merrja një në krahët e mi dhe pastaj gjithçka ndodhi. Unë nuk doja të bëja ndonjë gjë të keqe.

Ajo u tha oficerëve se hyri në maternitet kur stafi po ndërronte turnet. Ajo më pas vuri re uniformën e një infermiereje në një dhomë zhveshjeje dhe e veshi në mënyrë që të shihte foshnjat. Ajo gjeti një fëmijë me nënën e saj dhe i tha se duhej ta merrte për analiza.

LEXO EDHE  Vatra problematike zjarri në Cukal të Vaut të Dejës, favorizohet nga erërat

Sidoqoftë, ajo u kap në minutën e fundit dhe stafi e mori foshnjën nga Talita dhe ia ktheu nënës. Nuk raportohet nëse e dyshuara u mor në paraburgim.