Liga e Konferencës/ Kualifikim drithërues i Laçit, kurbinasit eliminojnë Podgoricën në shtesa

Kualifikim drithërues, por tepër i merituar i Laçit në Conference League. Bardhezinjtë kishin humbur 1-0 sfidën e parë të luajtur në Mal të Zi, ndërsa sot ia dolën të kalojnë në raundin e dytë pas plot 120 minutave.

Koha e rregullt e sfidës së luajtur në “Elbasan Arena”, përfundoi 1-0 për ekipin kurbinas, që gjeti golin me anë të Ardit Deliut (60′). “Vendasit” dominuan rivalët malazezë, por portieri 18-vjeçar, Nikola Ivezic, ia doli të dërgojë Podgoricën në shtesa me pritjet e tij fantastike.

LEXO EDHE  F1/ Hungaria stacioni i radhës

Laçi nuk u përmbajt në shtesa dhe realizoi dy gola të tjera. Në fillim me Regi Lushkjen (90+3′) flaë një goditje të saktë dhe potente, teksa Fatmir Prengaj vulosi kualifikimin e ekipit të tij me golin e realizuar në minutën e 114-të.

Fitore e madhe dhe kualifikim me zemër e i bukur i skuadrës kurbinase, që në raundin e dytë të Conference League do të ketë përballë rumunët e Univ Craivoa.