Fondet e AZHBR-së në Divjakë i marrin gruaja e kryebashkiakut dhe djali i xhaxhait

Publikohet lista e subvencioneve të dhëna nga AZHBR në bashkinë e Divjakës. Ajo që bie në sy është se prej pagesave të bëra nga AZHBR kanë përfituar vetëm dy persona, të cilët janë familjarë të kryetarit të Bashkisë, Fredi Kokoneshi.

Gruaja e kryebashkiakut, Eriona Kokoneshi, dhe djali i xhaxhait të tij Andi Kokoneshi kanë përfituar respektivisht 4 059 513 lekë dhe 2 926 155 lekë nga kontributi i Bashkimit Evropian, raporton Faxnews.

LEXO EDHE  Situata e zjarreve në Gjirokastër jashtë kontrollit. Disa të plagosur dhe asfiksuar

Gjithashtu këta dy persona kanë përfituar dhe 1 353 171 lekë të reja (Eriona Kokoneshi) dhe 975 385 milionë lekë (Andi Kokoneshi), nga fondi i kontributit nga qeveria shqiptare.

Siç duket fondet e AZHBR në Bashkinë e Divjakës vihen në dispozicion vetëm të familjarëve të kryebashkiakut, pasi nuk rezulton asnjë përfitues tjetër.