Gjykata e lartë e Bashkimit Evropian ka vendosur që punëdhënësit mund të ndalojnë veshjet e simboleve të dukshme të besimit fetar ose politik, të tilla si shamitë.
Por gjykata me bazë në Luksemburg tha në vendimin e saj se 27 vendet anëtare të bllokut duhet të vlerësojnë nëse ndalimi korrespondon me një ‘nevojë të mirëfilltë’ nga ana e punëdhënësit.
Ata gjithashtu duhet të marrin në konsideratë të drejtat dhe interesat e punonjësit, duke marrë parasysh legjislacionin kombëtar për lirinë e fesë.
Çështja u soll në Gjykatën e Drejtësisë të Bashkimit Evropian nga dy gra në Gjermani që zgjodhën të mbanin shamitë islamike në vendet e tyre të punës. Njëra punon si kujdestare për nevoja të veçanta ndërsa tjetra është ndihmës shitëse dhe arkëtare.
Të dy paraqitën ankesa ligjore para gjykatave gjermane, të cilat nga ana tjetër i referuan pyetjet gjykatës së BE.
Çështja e hixhabit, shamia tradicionale e veshur rreth kokës dhe shpatullave, ka shkaktuar polemika në të gjithë Evropën për vite me radhë dhe nënvizoi ndryshimet e mprehta rreth integrimit të muslimanëve.
Në rastet e paraqitura në gjykatë, të dy gratë myslimane nuk kishin veshur shami kur filluan punën, por vendosën ta bënin atë vite më vonë.
