Partia Demokratike do të mbledhë sot në orën 18:00 Kryesinë e saj, e cila do të shqyrtojë katër pika.
Kryesia pritet të diskutojë mbi përmbledhjen e analizës së zgjedhjeve të 25 prillit, ndryshimet në Statutin e partisë, miratimin e urdhrit për ngritjen e Komisioneve të Votimit dhe Numërimit për zgjedhjet e anëtarëve të Këshillit Kombëtar si dhe njoftimi i Kryetarit për listën që ai propozon për votim për kandidatët për anëtar të Këshillit Kombëtar.
PD, më herët, u ka kërkuar degëve të saj në të gjitha qarqet për të plotësuar një formular në lidhje me atë çka ata e cilësojnë si “masakër zgjedhore”.
Një ditë më parë u mblodh Komisioni Statutor, ku u miratuan propozimet e kryetarit Lulzim Basha për ndryshime statutore.
Ndërkohë që të shtunën, Kuvendi Kombëtar krahas votimit për anëtarët e Këshillit Kombëtar, do të votojë edhe për nryshimet statutore.
