Akuzohen për kultivim kanabisi, dy të arrestuar në Lezhë (EMRAT)

Policia e Lezhës ka vënë në pranga një 55-vjeçar i shpallur në kërkim për kultivim të bimëve narkotike.

I arrestuari është shtetasi Zef Boçi, banues në Kashnjet. Ndalimi i tij u bë pasi Gjykata e Rrethit Gjyqësor Lezhë, me vendimin e datës 12.07.2021 i ka caktuar masën e sigurisë “Arrest në burg” për veprën penale “Kultivimi i bimëve narkotike”.

Për të njëjtën akuzë ka rënë në pranga edhe shtetasi Gjin Ndoci.

LEXO EDHE  A duhet të jetë Berisha pjesë e Parlamentit të ri? Ja përgjigjia e Bashës

Si rezultat i kontrolleve, në vendin e quajtur “Këneta e Balldrenit” është konstatuar në tentativë për të kultivuar bimë narkotike, shtetasi Gj. N., 55 vjeç, banues në Kallmet, Lezhë, i cili është vënë në pranga nga shërbimet e Policisë”.

Materialet procedurale u referuan Prokurorisë së Rrethit Gjyqësor Lezhë, për veprime të mëtejshme.