Nënkryetari i LSI, Petrit Vasili, përmes një postimi në rrjetet sociale, shkruan se SPAK duhet të hetojë atë që po ndodh me Portin e Durrësit, për të cilin thotë se do të pastrohen para nga kompani fantazëm.
Sipas Vasilit, investimi për 2 miliardë euro i Portit të Durrësit është tashmë pre e kompanive guackë dhe të panjohura të regjistruara në parajsa fiskale.
“Pastrim i parave të qeverisë të grabitura me lloj-lloj aferash gjigante korruptive dhe mafioze është shkaku i vetëm që ky investim miliardash tu jepet kompanive fantazmë.
Është e qartë për të gjithë se qindra milionë euro të grabitura me koncesione, tendera, leje e licenca gjithëfarësh nga qeveria duhen pastruar e vënë në punë dhe Porti është një shans i madh për ta kthyer në lavatriçe gjigante pastrimi parash.
Miliarda euro investim të Portit të Durrësit, që i jepen një kompanie guackë me kapital 10 mijë lekë është fakt që s’ka nevojë për shpjegime dhe që na rikujton Koncesionet qindra milonëshe që u janë dhënë firmave fantazmë në keto tetë vjet.
Çdo shpjegim i qeverisë ka zero vlerë pasi faktet ulërijnë”, shkruan Vasili.
Postimi nga Petrit Vasili
Porti i Durrësit pastrim parash të pista të qeverisë me kompani fantazmë dhe SPAK-u që fle!
Investimi për 2 miliardë euro i Portit të Durrësit është tashmë pre e kompanive guackë dhe të panjohura të regjistruara në parajsa fiskale.
Raportimet mediatike janë tronditëse dhe situata është katastrofike dhe hedhin dritë të qartë mbi aferën gjigantë.
Mediat po bëjnë punen e SPAK-ut që fle me regji.
Parlamenti i mbeturinave bëri edhe ligj special për këtë investim duke e bërë Portin e Durrësit plaçkë tregu.
Parlamenti i komisionuar si pjesë e mekanizmit mafioz të qeverisë nuk u hetua nga SPAK-u edhe kur Presidenti i Republikës e ngriti fort një shqetësim të tillë kaq të madh.
Kompanive fantazmë të regjistruar në ishujt Kajmane do t’u falen edhe 100 ha tokë shtetërore.
Qeveria mashtroi publikisht për një projekt miliardash, për një nga pikat më strategjike të Shqipërisë pikërisht për portin e Durrësit.
Pastrim i parave të qeverisë të grabitura me lloj-lloj aferash gjigante korruptive dhe mafioze është shkaku i vetëm që ky investim miliardash tu jepet kompanive fantazmë.
Është e qartë për të gjithë se qindra milionë euro të grabitura me koncesione, tendera, leje e licenca gjithëfarësh nga qeveria duhen pastruar e vënë në punë dhe Porti është një shans i madh për ta kthyer në lavatriçe gjigante pastrimi parash.
Miliarda euro investim të Portit të Durrësit, që i jepen një kompanie guackë me kapital 10 mijë lekë është fakt që s’ka nevojë për shpjegime dhe që na rikujton Koncesionet qindra milonëshe që u janë dhënë firmave fantazmë në keto tetë vjet.
Çdo shpjegim i qeverisë ka zero vlerë pasi faktet ulërijnë.
SPAK ka perpara një aferë mafioze kolosale dhe nuk lëviz gishtin.
SPAK lëre estradën shetitese me regji Lushnje- Pogradec, por heto këto afera mafioze, që po shkatërrojnë vendin dhe po bëhen hapur ditën për diell.
