Italia festoi suksesin në kampionatin evropian me tifozët në rrugët e Romës sikurse do të bënte çdo skuadër kampione. Megjithatë, në një periudhë pandemie, festa e kombëtares së kaltër u zhvillua pa autorizimin e institucioneve.
Prefekti i Romës bën me dije se kërkesa e Federatës italiane për parakalimin e autobusit të hapur me lojtarët mori përgjigje negative nga autoritetet shëndetësore e megjithatë ishin dy futbollistët Leonardo Bonucci dhe Chiellini ata që vendosën që diçka e tillë të bëhej.
Federata e futbollit propozoi edhe alternativën e festës në një pedanë të ngritur posaçërisht përpara tifozëve, por edhe ky opsion u mohua nga Ministria e Shëndetësisë italiane.
DENONCO