Bizneset në Vlorë kanë dal ditën e sotme në një protestë paqësore prej pak minutash tek policia e qarkut të Vlorës.
Bizneset e Lungomares i kanë paraqitur policisë së qarkut kërkesat e tyre dhe këto kërkesa duan t’ja transmetojnë institucioneve vendore si dhe qeverisë së vendit.
Bizneset e Lungomares kërkojnë hapjen e orarit zyrtar pas orës 24:00 ku tashmë e ka hapur edhe Kosova si dhe kërkojnë që të shtyhet orari i muzikës përtej orës 22:00 që sipas tyre i dëmton biznesin.
Përfaqësuesit e bizneseve i bëjnë thirrje policisë që të ndaloj terrorin që po bënë duke i mbyllur lokalet pak minuta para orës 24:00 dhe duke i detyruar të largojnë klientët duke i dëmtuar biznesin. Ata gjithashtu i drejtojnë thirrje kryeministrit Rama që të vij në Vlorë ku ata do të heqin menaxherët dhe të punojnë kryeministrin për të menaxhuar bizneset e tyre dhe të shohim sa do ja dali të jetë fitimprurëse.
Ata deklarojnë se ka selektivitet ku bregdeti i luksit si Himarë, Dhërmi, Drimadhes lejohet të ketë muzikë ndërsa bregdeti i Lungomares jo.
Ata i kanë drejtuar një kërkesë qeverisë së vendit ku kanë paraqitur disa kërkesa. Kjo thirrje është firmosur nga 55 biznese te Vlorës ku pritet të shtohen edhe më tepër.
