Partizani do të luajë nesër kundër Sfintul Gheorghe, ndeshje e vlefshme për turin e parë të Conference League. Në konferencën e zakonshme për shtyp, krahas trajnerit Ilir Daja, ka dalë edhe Egzon Belica.
Qendërmbrojtësi i të kuq tregoi optimizëm për sfidën e nesërme, megjithatë kërkon që ta mbajë skuadrën me këmbë në tokë. Ndeshja e para ka përfunduar me rezultatin 5-2 dhe të kuqtë në këtë mënyrë janë favoritë absolutë për të kaluar më tej.
– Si është atmosfera në ekip?
Atmosfera brenda ekipit është shumë e mirë. Sigurisht që në ndeshjen e parë arritëm një rezultat mjaft të mirë, gjithsesi asgjë nuk ka mbaruar. Kem për të luajtur edhe 90 minuta të tjera. Shpresojmë dhe besojmë që të bëjmë një ndeshje të mirë edhe nesër dhe pastaj pas kësaj ndeshje të mendojmë për vazhdimësinë.
– Keni filluar të mendoni për kundërshtarin e ardhshëm?
Kryesore për ne është ndeshja e radhës që kemi nesër. Siç e permenda kemi hedhur një hap përpara në ndeshjen e parë. Përpara se të mendojmë për ekipin e Bazel duhet të mbyllim pozitivisht ndeshjen e dytë ndaj Sfintul.
