Arrestohen gjashtë persona në Tiranë, policia jep detajet

Gjashtë persona janë vënë në pranga për vepra të ndryshme penale në Tiranë. Bëhet me dije se është arrestuar Sh. Q., 38 vjeç, pasi u kap në flagrancë duke vjedhur materiale të ndryshme duralumini. Nga veprimet hetimor të kryera rezulton se ky shtetas është autor dhe i 5 vjedhjeve të tjera (3 biçikletash, 2 motomjete).

Kurse,  specialistet për Hetimin e Krimit në Komisariatin e Policisë Nr.3 ekzekutuan vendimin penal për 55-vjeçarin e shpallur në kërkim H. B., (i kapur nga seksioni i kërkimit) pasi Gjykata e Shkallës Parë Tiranë, e ka dënuar me 10 muaj burg. 55-vjeçarit i kanë mbetur për të vuajtur edhe 6 muaj e 25 ditë burg, për veprën penale ‘”Dhuna në familje”.

LEXO EDHE  Zjarr në kryeqytet, rrezikohen disa banesa në Yzberisht

Specialistet për Hetimin e Krimit në Komisariatin e Policisë Kavajë arrestuan në  flagrancë H. T., 35 vjeç, pasi ka ushtruar dhunë fizike dhe psikologjike ndaj babit dhe nënës së tij.

Ndërsa, Specialistet e Qarkullimit Rrugor arrestuan në flagrancë:

H.R., 42 vjeç, pasi u kap duke drejtuar mjetin pa lejen përkatëse;

I.L., 43 vjeç, pasi u kap duke drejtuar mjetin në gjendje të dehur;

K.H., 26 vjeç, pasi duke drejtuar mjetin në gjendje të dehur është përfshirë në një aksident me dëme materiale.