Një djalë tre vjeç në Kansas ka vdekur gjatë një kontrolli rutinë tek dentisti, ka deklaruar departamenti i policisë Wichita.
Abiel Valenzuela Zapata u dërgua në Stomatologjinë e Tiny Teeth Pediatrics në Wichita nga nëna e tij pasi zhvilloi një infeksion të mishit të dhëmbëve.
Vogëlushi ishte mirë për rreth 30 minuta nën qetësim para se faqja e tij të fillonte të fryhej dhe pulsi i tij filloi të ngadalësohej ndërsa mjeku punonte në nofullën e tij të poshtme, tha anesteziologu në raport, sipas KSNW.
“Ne jemi duke u lutur për familjen gjatë kësaj kohe dhe kërkojmë që edhe komuniteti ta bëjë këtë. Ashtu si familja e Abiel, edhe ne duam të kuptojmë se si mund të ketë ndodhur kjo ngjarje tragjike. Në punën tonë të përditshme nuk ka ndodhur kurrë një incident i tillë”, është shprehur ndër të tjera avokati i klinikës.
Abiel për 1 muaj do mbushte 4 vjeç dhe nëna e tij tha se ai qau para operacionit pasi ishte i frikësuar nga gjëlpëra. Kur rrahjet e zemrës së Abiel filluan të ulen, u thirr 911. Ai më pas u dërgua me urgjencë në spitalin Wichita ku u njoftua i vdekur.
“Ne nuk prisnim të dilnim nga atje pa një fëmijë”, tha zonja Valenzuela.
Oficeri i policisë Trevor Macy i tha KSN në një deklaratë se asnjë hetim penal nuk është hapur për momentin.
