Policia bllokon “Benz-in” me 20 kg kanabis, në pranga dy të rinj

Sekuestrohen 20 kg lëndë narkotike kanabis në Mirditë. Në pranga kanë rënë 2 shtetasit që posedonin lëndën narkotike, Odison J. dhe Roland P.

Lënda narkotike u kap në një automjet me të cilën po lëviznin të rinjtë në fshatin Rrenja e Zezë.

“Gjatë kontrollit të automjetit tip ‘Benz’ me drejtues shtetasin O. J. dhe pasagjer shtetasin R. P., në bagazh janë gjetur dhe sekuestruar 20 kg lëndë narkotike e dyshuar cannabis sativa.  Në vijim të veprimeve, specialistët e Seksionit për Hetimin e Narkotikëve bënë arrestimin në flagrancë të shtetasve O. J., 22 vjeç banues në Mirditë dhe R. P., 37 vjeç, banues në Lezhë”, njofton policia.

Nga ana e policisë vijon puna për identifikimin dhe kapjen e personave të tjerë të përfshirë në këtë veprimtari kriminale.

LEXO EDHE  Denoncimi/ Biznesmeni i rilindjes po u grabit pronat qytetarëve në Korçë! Emri

Materialet iu referuan Prokurorisë së Rrethit Gjyqësor Lezhë, për veprime të mëtejshme, për veprën penale “Prodhimi dhe shitja e narkotikëve” kryer në bashkëpunim, shtuan të njëjtat burime.