Një ditë pas finales Angli-Itali, të gjithë bëjnë bilancet duke nisur nga skuadrat, trajnerët dhe tifozët. Këta të fundit, sigurisht disa të gëzuar e disa të hidhëruar por ka edhe nga ata që kanë bërë parashikime të çuditshme, madje njëri ka dhënë një parashikim të “çmendur” 8 vite më parë duke qëlluar në kokë.
Në rrjetin social, tëitter, përdoruesi i quajtur Cameroon kishte bërë një parashikim në vitin 2013 për finalen e Euro 2020 duke shkruar se Anglia do të humbiste me Italinë në finale me penallti.
“Anglia humbi në finale të Euro 2020 ndaj Italisë në penallti dhe që atëherë nuk ka ndryshuar asgjë”, kishte shkruar Cameron i cili ka rikthyer atë postim duke u krenuar për parashikimin e saktë.
Duhet pranuar se është një parashikim i çuditshëm dhe menjëherë statusi i tij u shpërnda nga mijëra vetë dhe lajmi bëri xhiron e botës.
