Policia britanike ka gjetur pako kokainë me një vlerë rreth 2 milionë paund në një prej plazheve më të frekuentuara të vendit, atë të Sussex. Mediat shkruajnë se policia u njoftua nga qytetarët për pakot e dyshimta në ujë, që në fillim u pikasën në Seaford, por që u gjetën të shpërndara larg njëra-tjetrës.
Efektivët për orë të tëra qëndruan buzë detit për të pikasur pako të tjera më lëndën narkotike. Deri tani 3 persona janë arrestuar si të dyshuar për këtë rast të trafikut të lëndëve narkotike, por që janë liruar me kusht deri në përfundimin e hetimeve.
