Gjyqtari i Gjykatës së Vlorës, Albert Spiro është shkarkuar nga detyra. Vendimi u njoftua këtë të Hënë nga trupa gjykuese e KPK, e kryesuar nga Brunilda Bekteshi, Etleda Çiftja – relatore dhe Pamela Qirko-anëtare.
Në seancën dëgjimore, gjyqtari i Gjykatës së Vlorës u përball me pyetje mbi shitjen e një apartamenti dhe blerjen e dy të tjerëve, ndërsa Komisioni vuri në dukje mungesë burimesh, që lidheshin me një hua, dy kontrata kontradiktore shitjeje dhe mosdeklarimin e pakësimeve në gjendjen cash në vite, gjetje të cilat u kundërshtuan nga subjekti.
Albert Spiro e ka filluar karrierën në sistemin e drejtësisë në vitin 2000 si gjyqtar në Gjykatën e Tepelenës. Prej vitit 2006, Spiro e ushtron funksionin në Gjykatën e Rrethit të Vlorës.
Seanca dëgjimore
Seanca në KPK/ Problemet e pasurisë vënë në pikëpyetje karrierën e gjyqtarit Albert Spiro
