Rrugët e Londrës, një natë më parë, duke vijuar deri në orët e para të mëngjesit ishin mbushur me tifozë. Fillimisht të emocionuar, më pas të zhgenjyer pasi Kupa e Euro 2020 shkoi në Romë. Adrenalina dhe emocionet duket se morën mendjen, duke e kthyer qytetin në një kazan gjigand plehrash.
Në një video të publikuar në rrjetet sociale shfaqet një nga rrugët e Londrës, me shumë mundësi pranë Wembleyt, e cila është e mbushur me plehra. Tifozët kanë hedhur pije, ushqim, qese dhe plastika në tokë. Kjo sjellje aspak etike nuk ndodh asnjëherë në Angli, por duket se dhimbja e humbjes i ka bërë të mos i interesojë.
