Instituti Kombëtar i Shëndetësisë Publike në Kosovë (IKSHPK) ka regjistruar të Hënën pesë raste të infektimit me koronavirus pas 1,050 testimeve.
Përgjatë 24 orëve të fundit, nuk është regjistruar asnjë viktimë.
IKSHPK-ja ka njoftuar se më 12 korrik janë shëruar gjashtë pacientë nga COVID-19, ndërsa raste aktive janë 132.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,859 pacientë me këtë virus.
Prej tyre 2,264 kanë vdekur.
Numri i personave të vaksinuar me të dyja dozat e vaksinave kundër Covid ka shkuar në 67,578, ndërsa shifra totale e vaksinave të dhëna është 260,955.
