Ashtu siç pritej, pas përfundimit te Copa America, Rodrigo De Paul është zyrtarisht një lojtar i Atletico Madrid. Për kampionët e Spanjës është goditja e parë e madhe për sezonin e ri ku synimi është sigurisht mbrojtja e titullit në Spanjë dhe padyshim edhe Champions League.
“Los Cholchoneros” kishin një akord që përpara Kupës së Amerikës me Udinesen dhe pavarësisht disa zërave se operacioni mund të dështonte, palët bën zyrtare transferimin e mesfushorit i cili u vlerësua edhe më shumë pasi vjen si kampion me Argjentinën dhe titullar i padiskutueshëm në skuadrën e Scalonit.
Simeone merr kështu lojtarin e preferuar prej kohësh i cili ndiqej nga skuadrat më të mira të Serisë A, Juve, Inter, Milan e Roma por pamundësia e tyre për të shpenzuar 35 mln euro sa çu ble nga Atletico, bëri që lojtari të transferohej në Spanjë.
De Paul largohet nga Seria A pas një sezoni tepër pozitiv me Udinesen, 36 ndeshje, 9 gola dhe 9 asiste dhe tashmë bën hapin e madh, në një ekip të madh.
Gjithsesi, blerja e De Paul mund të shoqërohet me largimin e Saul nga kampionët spanjoll pasi mesfushori kërkohet me ngulm nga Man. United.
