Meta vlerëson figura të shquara të kinematografisë shqiptare: Përcollën mesazhe frymëzuese përtej fasadave të rreme ideologjike

Me anë të një ceremonie solemne, Presidenti i Republikës, Ilir Meta ka vlerësuar disa prej figurave të shquara të kinematografisë shqiptare. Presidenti ka vlerësuar regjisoren Xhanfize Keko së bashku me regjisorët Kristaq Dhamo, Andi Keko, Viktor Gjika dhe aktoren Edi Luarasi me dekoratën “Nderi i Kombit” për kontributin ndaj artit shqiptar.

Me rastin e ditëlindjes së kinematografisë shqiptare, presidenti Meta ka shprehur mirënjohjen për këta personalitete dhe kontributin e vyer të tyre.

LEXO EDHE  Vizitat e Aleks Soros në Tiranë, mirë për Ramën dhe Veliajn, keq për Shqipërinë dhe shqiptarët

Në fjalën përshëndetëse drejtuar familjarëve dhe personaliteteve të kinematografisë, të pranishëm në ceremoninë solemne, kreu i shtetit u shpreh se ata arritën të jepnin mesazhe të jashtëzakonshme, frymëzuese përtej fasadave të rreme ideologjike duke u paraqitur publikut filma të gdhendur në kujtesën e të gjithëve.