Është mbyllur në barazim 1-1 koha e rregullt e finales së Euro 2020 Itali-Angli. Në “Wembley” të parët që kaluan në avantazh ishin vendasit në minutën e 2-të të takimit.
Luke Shaw realizoi një gol mjaft të bukur me të majtën duke mposhtur Donarummen dhe duke çuar peshë zemrat e 55 mijë tifozë anglezë të pranishëm në stadium.
Gjatë pjesës së parë rezultati nuk do të ndryshonte ndërsa skuadrat do t’i drejtoheshin dhomave të zhveshjes me rezultatin 1-0 në favor të anglezëve.
Në 45 minutat e dyta, Italia ishte e gjitha në sulm për të kërkuar golin e barazimit. Përpjekjet e “zzurrëve” u shpërblyen në minutën e 67-të aty ku heroi i skuadrës u bë Leonardo Bonucci.
Një goditje këndi solli rrëmujën e duhur brenda zone aty ku mbrojtësi i Juventusit përfitoi duke shënuar me dhunë.
1-1 koha e rregullt, ndërsa për të përcaktuar fituesin do të luhen edhe 30 minutat e shtesës.
https://streamable.com/w7vbm4
