Me urdhër të SPAK ditën e djeshme u arrestuan 9 zyrtarë dhe ish-zyrtarë të Ministrisë së Brendshme, lidhur me abuzimet për tenderin e veshjes së policisë. Nga ky tender ka rezultuar se vetëm kapelja e një polici ka kushtuar 350 euro, një shifër kjo pothuajse 3 herë më e lartë se ajo që është dizenjuar nga Giorgio Armani dhe që i takon Komandantit të Përgjithshëm të Armës së Karabinierëve të Italisë.
Ish-deputeti demokrat, Gent Strazimiri, në një postim në rrjet shkruan se që prej vitit 1988, kjo kapele dizenjohet ekskluzivisht nga Giorgio Armani, qendiset me dorë dhe, duke qenë se pozicioni është unik, edhe kapelja është unike, ekskluzive!!
Sipas tij, çmimi i saj është 135 euro!
