Mjeti tip ‘Honday’ doli nga rruga mëngjesin e sotëm në aksin rrugor Fier-Telepenë duke lënë një person të plagosur. Në mjetin e aksidentuar udhëtonte një familje, e cila kishte ardhur në Shqipëri nga Greqia.
46-vjeçari Maksi Habeja i cili drejtonte automjetin tip “Honday” është lënduar. Shoferi mbeti i bllokuar fillimisht në automjet, mirëpo më pas u bë e mundur nxjerrja e tij.
Nga aksidenti, kanë marrë lëndime të vogla bashkëshortja dhe dy fëmijët e mitur. Paraprakisht dyshohet se shkak i aksidentit është bërë fakti që drejtuesi i mjetit ka qenë i përgjumur në timon.
Në vendngjarje kanë mbërritur autoambulancat që po transportojnë të plagosurit për në spital.
