Ambasadorja amerikane, Yuri Kim, ka përshëndetur aksionin e SPAK të zhvilluar pak orë më parë, ku u ndaluan 9 zyrtarë të Ministrisë së Brendshme, për abuzime në tenderin e uniformave të Policisë së Shtetit.
“Më vjen mirë që shoh aksione të tjera nga SPAK kundër korrupsionit. Abuzimi ose manipulimi i procesit të prokurimeve publike është njëlloj sikur të vjedhësh nga të gjithë qytetarët – përfshi ata amerikanë, taksat e të cilëve sigurojnë ndihmë për Shqipërinë – për të fryrë kuletat e veta dhe miqve. Është krim”, shkroi ambasadorja në Twitter.
