Në mbledhjen e radhës së qeverisë është bërë lirimi nga detyra e Armela Krasniqit nga posti i Drejtoreshës së ATSH, pasi u emërua në krye të AMA-s.
për emërimin e Krasniqit në krye të AMA-s pati shumë kundërshti, madje ky emërim u cilësua edhe si kapje e pavarësisë së medias nga ana e qeverisë.
Kjo pasi Armela Krasniqi për shumë vite ka qenë zëdhënëse e Edi Ramës, ndërsa u emërua në krye të ATSH sapo rilindasit erdhën në pushtet.
Pas shkarkimit nga detyra si Drejtoreshë e ATSH të Armela Krasniqit, në këtë post u emërua Valbona Zhupa.
Vendimi i Qeverisë:
PËR
LIRIMIN DHE EMËRIMIN NË DETYRË TË DREJTORIT TË PËRGJITHSHËM TË AGJENCISË TELEGRAFIKE SHQIPTARE (ATSH)
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
V E N D O S I:
- Znj. Armela Krasniqi, drejtor i Përgjithshëm i Agjencisë Telegrafike Shqiptare (ATSH), lirohet nga kjo detyrë.
- Znj. Valbona Zhupa emërohet drejtor i Përgjithshëm i Agjencisë Telegrafike Shqiptare (ATSH).
Ky vendim hyn në fuqi menjëherë.
