Në Ballkan ashtu si në shumë vende të tjera po qarkullon variant i virusit Delta. Së fundi kemi dhe disa raste të dyshuara të këtij mutacioni në Shqipëri ku pritet të dalin analizat të cilat janë dërguar në një laborator në Angli.
Lidhur me këtë në studion e lajmeve në MCN TV ishte i ftuar mjeku shqiptar nga Londra Laidon Shapo i cili ka treguar agresivitetin e variantit “Delta” si dhe ngjashmëritë e tij me mutacionet e mëparshme. Ai theksoi se ky variant prek më tepër moshat e reja dhe se ka një transmetueshmëri më të lartë se sa vetë virusi origjinal.
Nuk besoj se vlen më sekuencimi sepse është varianti dominant me më shumë 32 raste të reja, incidenca e javës së fundit. Është një variant i cili duhet pasur në kujdes, oprek më shumë mkopshat e reja, por ajo që duhet theksuar është se ka një transmetueshmëri më të lartë sesa varianti origjinal. Në këtë perspektivë është një variant që po përhapet shpejt ka një rritje prej 30-40 % të rasteve çdo javë. Kjo është një çështje që do parë me shumë kujdes nga të gjithë si nga ekspertët e shëndetësisë ashtu edhe nga ata që merren me vaksinimet, masat. Fakti që kemi këto shtrime dhe vdekje më të ulëta është për shkak të vaksinimeve. U pa që të vaksinuarit janë shumë më të mbrojtur sidomos pas dozës së dytë. Pra kjo është situata.
Ndërsa i pyetur se kjo përhapje me shpejtësi e Delta mund do të çojë në një valë të 4 dhe do te këtë sërish mbyllje, mjeku Shapo deklaroi se me rëndësi mbetet vijimi i vaksinimeve, por sipas tij ulja e infektimeve kohët e fundit nuk duhet të na bëjë që të flemë mbi dafina sepse sipas tij rezultatet do duken në periudhën e vjeshtës.
Vaksina ka rëndësi. Astrazeneca dhe Pfizer që janë eksperimentuar janë parë që mbrojtja ka përqindje të ndryshme për variantet e ndryshme. Të dhënat nuk na vinë në lidhje me vaksinën sinovac. Është parë që si në Kili apo vende të Afrikës përfshi dhe Turqinë ka një valë e tretë rastesh dhe infektimesh dhe mendoj se i përkasin variantit Delta, janë të lidhura me pamundësinë e vlefshmërinë e këtyre vaksinave për tu përballur.
Sepse dhe Astrazeneca është më e dobët në fuqi krahasuar me Pfizer. Në Shqipëri janë futur 4 lloj vaksinash. Nuk e di si vijon vigjilenca. Vera ka efektet e saj pozitive. Nuk mendoj se varianti Delta nuk është prezent aty. Nuk mendoj se duhet të presim shtator- tetorin për të parë Deltën në Shqipëri. Nëse kemi një situatë të qetë për momentin nuk duhet të flemë mbi dafina. Por duhet të mendohet si do procedohet. Mendoj se 60 % e popullatës e ka kaluar virusin. Heqja e të gjitha masave mund të përshkallëzoj një situatë në fund të shtatorit ose ndoshta dhe më parë. Edhe të vaksinuarit duhet të tregohen vigjilentë sepse dhe kujtesa nuk zgjat gjithmonë.
Pas një periudhe 5 mujore kushdo që është vaksinuar mund të presësh që në shtator të kenë nevojë për një dozë tjetër. Janë gjëra që po ndiqen në kohë reale dhe do bërë kujdes se koha e ngrohtë ndihmon, por nuk do harruar se vjeshta vjen shpejt dhe kombinohet me virozat e asaj periudhe dhe nëntor-dhjetor mund të shfaqet një valë e re.
