Teksa ethet e finales së Europianit vijnë duke u shtuar, një video është bërë virale në rrjetet sociale.
Një grua 37-vjeçare u pushua nga puna pasi ndoqi gjysmëfinalen mes Anglisë dhe Danimarkës në stadium.
Nina Farooqi kishte kërkuar leje nga puna, duke thënë se ishte sëmurë. Por shefi i saj e pa atë duke festuar në TV.
Shoqja e Ninas kishte fituar dy bileta në minutat e fundit për të parë ndeshjen.
Nina e dinte se shefi i saj nuk do e linte të ikte, pasi kishin pak staf. Atëherë ajo vendosi që të kërkonte leje duke thënë se ishte sëmurë. Për ters, kur Anglia barazoi rezultatin, kamerat e fiksuan atë duke festuar si e çmendur.
E pyetur nga gazetat, ajo tha se i vjen keq që e humbi punën. Por shton se do ishte mërzitur më shumë po të mos e kishte parë ndeshjen. “Do e bëja sërish,” tha ajo.
