Qepët i japin aromë dhe shije ushqimit tonë. Përveç kësaj ato janë të pasura me antioksidantë dhe një burim i mirë i vitaminës C.
Por pse lotojmë kur pastorjmë qepët ?
Kur pastrojmë dhe presim qepët, lirohen substanca dhe enzima të cilat kur përzihen me elemntin e lëngshëm të syrit, formojnë acidin sulfurik.
Acidi sulfurik digjet, duke bërë që sytë të lotojnë për t’u mbrojtur nga acarimi.
Por ja cilat janë disa nga mënyrat për ti pastruar qepët pa na lotuar sytë.
Vendosni në frigorifer qepët pak para se t’i prisni
Dihet që qepët ruhen në temperaturën e dhomës. Por para se të vijë koha për t’i pastruar dhe përdorur në një nga recetat tuaja, vendosni në frigorifer për 10-15 minuta. Temperaturat e ulëta duket se pengojnë lirimin e sulfideve që irritojnë sytë.
Pastroni ato pranë ujit të rrjedhshëm
Provoni t’i copëtoni qepët pranë lavamanit me çezmën e hapur. Uji do të tërheq substancat dhe enzimat e lëshura nga qepët dhe nuk do shkojnë në sytë tuaj. Një hile e vjetër dhe e provuar.
Përdorni një thikë që pret mirë
Duke përdorur një thikë të mprehur mirë, aq më pak substanca do të lirohen gjatë prerjes.
Shmangni prerjen e rrënjës së qepës
Rrënja e qepës përmban edhe më shumë enzima dhe substanca. Pra kur pastroni qepët, shmangni prerjen e tij dhe përveç kësaj do t’ju shërbejë për të mbajtur qepën të qëndrueshme.
Qëroni qepët pranë një dritareje të hapur
Sigurohuni që zona e kuzhinës të jetë e ajrosur në mënyrë adekuate ose pastroni edhe më mirë qepët pranë një derë të hapur ose dritares.
