Ashtu sikundër ishte paralajmëruar, Kuvendi emëroi sot Armela Krasniqin, në Krye të AMA. Pavarësisht apelit të BE, OSBE dhe Britanisë së Madhe, përmes selive diplomatike në Tiranë, Kryeministri Edi Rama i ka shkuar deri në fund nismës për vënien nën kontroll të AMA, duke emëruar apo zgjedhur formalisht Krasniqin, e cila më parë ka qenë Zëdhënëse e Ramës dhe së fundmi ishte në krye të ATSH.
Lidhur me votimin formal të kryer nga Parlamenti ka reaguar Kreu i PD-së Lulzim Basha, i cili ka sulmuar mazhorancën për votimin e kryetares së re të AMA-s në Kuvend
“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë”, shprehet Basha.
