Pas studimeve që zgjatën pak më shumë se një vit, një djalë 11 vjeçar belg ka marrë diplomën në fizikë nga Universiteti në Antëerpen me nderime të larta. Universiteti raportoi se Laurent Simons ka studiuar fizikë që nga marsi i vitit 2020 dhe duke u kualifikuar për diplomë tre vjeçare bachelor, ai ia kaloi të gjithë shokëve të tij të klasës.
Përderisa vazhdon studimet e tij universitare, Simons po ndjek kurse pasuniversitare në të njëjtën kohë. Ai do të fillojë studimet pasuniversitare me orar të plotë në fund të verës. Duke folur për mediat belge, Simons tha se ai u interesua për mekanikën klasike dhe fizikën kuantike dhe shpejt u fiksua për të ditur gjithçka rreth tyre.
