Goditje e dyfishtë e Partizanit, të kuqtë arrijnë akordin me dy lojtarët e Kombëtares U21

Partizani nuk ka ndërmend të ndalet në merkato. Skuadra kryeqytetase është mjaft aktive dhe pritet që shumë shpejt të prezantojë dy afrimet e reja. Bëhet fjalë për dy lojtarët e Kombëtares U21, portierin Vokli Laroshi dhe mbrojtësin Eljon Sota.

I pari ishte pjesë e Turbinës në Kategorinë e Parë dhe ka bërë paraqitje shumë pozitive aq sa është thirrur edhe nga Alban Bushi te Shpresat.

LEXO EDHE  FOTO/ Humb jetën boksieri 16-vjeçar, i pushoi zemra sapo u hodh në lumin e acartë

Afrimi I dytë është ai i Eljon Sotës, mbrojtësi që ka qenë pjesë e Apolonisë për shumë sezone. 23-vjeçari mbylli kontratën me skuadrën fierake dhe ka dalë në stërvitje me të kuqtë, ndërsa prezantimi i dy futbollistëve do të behet me shumë mundësi ditën e nesërme.