Nga Taulant Halili
‘Peshku i madh’, ‘Prokurorë në burg’, Gyqtarë pas hekurave’, ‘Viktima nga shezlonget’, ‘Të vrarë për rërën’ dhe vendimi i ‘Gjykatës Kushtetuese’, këto janë lajmet që po përzhisin këtë verë afrikane që ka rënë në këtë copë Shqipëri. (Përjasho Encën, Kallashin, e Linda Morinën që na djegin çdo vit).
Një verë ndryshe, me nxehtësi afrikane, erë amerikane dhe me lagështi Europiane….
Çdokush që e lexon është i vetëdijshëm që këtë herë sezoni veror ka ardhur ndryshe në Shqipëri, sepse këtë herë nuk flasim më për çmimin e vezës apo patates, por flasim për ‘koka’ njerëzish të rrezikuar që shohin burgun nga çdo anë.
Por kulmi i nxehtësisë arriti ditën e premte kur Gjykata Kushtetuese i dha përgjigje dilemave për Teatrin Kombëtar pasi u vu në lëvizje nga kreu i shtetit… Një dilemë që në rreshtat e këtij vendimi ende të pazbardhur plotësisht ka vënë kokë më kokë dy personazhet kryesore të së majtës… Erjon Veliaj dhe Edi Rama…..
Ditën e djeshme u dha një vendim nga Gjykata Kushtetuese e cila e cilëson të jashtëligjshme shkatërrimin e Tetatrit Komvëtar, pasi pala që i vuri ‘dinamitin’ nuk ishte përgjegjëse as për territorin e as për godinën.
Me pak fjalë (sipas opinionit publik) zoti lali Eri sot duhet të jetë para drejtësisë në mos i akuzuar si terrorist, i akuzuar si shkatërrimtar, por që vitet e burgut duhet t’i rëndojnë me patjetër mbi kurriz.
Por historia nuk duhet të shitet siç duam ne, por si është realisht.
Veliaj ditën e djeshme nuk është përmendur në asnjë pjesë nga ana e Gjykatës Kushtetuese, por është përfolur nga politika si një i rënë. Por çffarë ndodhi dje në realitet?
Veliaj e shiti si fitorë vendimin e Gjykatës Kushtetuese, Rama nuk foli, thjeshtë tregoi dhëmbët.
I tregoi dhëmbët Veliajt, jo shoqërisë cilvile e as shqiptarëve, por atij që i rrezikon fronin.
Pse?
Fuqizimi i Veliajt nuk prek shqiptarët e as opozitën, por direkt Ramën, prandaj ky i fundit në emër të shtetit, vendosi dje që Teatri Kombëtar i përket ‘shqiptarëve’ e si e tillë një pronë publike nuk mund të preket as nga më të pushtetshmit, Bashkia e Tiranës në rastin konkret.
Me pak fjalë dje vendimi i Gjykatës Kushtetuese drejtpërdrejtë politikisht ishte një vendim kundër Veliajt, duke i treguar këtij të fundit që as miqtë e as fotot përtej oqeantit nuk e mbrojnë dot nga ‘Zoti’ i partisë, pasi ky i fundit ka vendosur në ‘emër të ligjit’ të bëjë ligjin.
E në emër të ligjit e drejtësisë dje Veliaj u ‘pushkatua’ politikisht, Teatri i përket shtetit, e si i tillë ai që e shkatërroi duhet ta kthejë aty ku ishte ashtu siç ishte…
Ajo që mbetet një enigmë e madhe, është pytja nëse Rama e vendosi ‘rastësisht’ godinën e Teatrit në përgegësinë e Veliajt apo e përdori për ta goditur…?
Kjo është enigma që sot duhet zgjidhur nëse Rama ja ‘futi’ apo ja ‘futi’ Veliajt?
Përgjigje që duhet të na e japë lali pasi të vijë urgjent nga AMERIKA….
