VIDEO/ Publikohen pamjet e operacionit “Shpirti”, fotot e të arrestuarve

Policia ka publikuar pamje nga operacioni ndërkombëtar i koduar “Shpirti”, për goditjen e trafikut ndërkombëtar të lëndëve narkotike, korrupsionit dhe pastrimit të parave.

Burime zyrtare bënë me dije se për ekzekutimin e masave të sigurisë të dhëna nga Gjykata e Posaçme e Shkallës së Parë për Korrupsionin dhe Krimin e Organizuar, në kuadër të operacionit “Shpirti”, janë angazhuar 200 forca policore nga reparti special Renea, FNSH Tiranë e Fier, Drejtoria e Forcës së Posaçme Operacionale në Drejtorinë e Përgjithshme të Policisë së Shtetit, Drejtoria Hetimore në Departamentin e Policisë Kriminale, si dhe Drejtoritë Vendore të Policisë Tiranë, Vlorë, Gjirokastër e Durrës.

LEXO EDHE  Rritja e numrit të të infektuarve me Covid-19 – a do te mbyllet sërish Kosova në vjeshtë?

Operacioni është zhvilluar në kushte të larta sigurie për forcat policore pjesëmarrëse, në të njëjtën kohë në të gjitha qarqet, për ekzekutimin e urdhrave të lëshuara nga Gjykata.

Gjatë operacionit, janë sekuestruar 2 armë zjarri dhe rreth 60 mijë euro.

Interpol Tirana dhe Fast Albania po bashkëpunojnë me homolgët për kapjen e personave të shpallur në kërkim ndërkombëtar në kuadër të këtij operacioni.

Më herët, drejtori i Policisë Ardi Veliu konfirmoi se janë ekzekutuar 18 nga 28-urdhër-arrestet e lëshuara orët e fundit.

“Shpirti”/ Ardi Veliu: Janë realizuar 18 arrestime deri tani, qytetet ku u kryen aksionet