Trajneri i skuadrës spanjolle, Luis Enrique shprehu pritshmëritë e tij për ndeshjen e sotme kundër Zvicrës në EURO 2020.
“Ndeshja do të jetë e vështirë. Duke parë se si kundërshtari ynë sulmon dhe mbron, parashikoj një ndeshje shumë të vështirë. Zvicra ka një trajner i cili ka luajtur mbi 70 ndeshje me ekipin. Ky është një specialist në nivelin më të lartë. Kombëtarja e Zvicrës është tepër e vështirë për t’u mposhtur, do të jetë një provë serioze për ne”, theksoi Enrique.
Ai nuk ka përcaktuar ende 11 futbollistët me të cilët do të fillojë ndeshjen.
“Nuk kam vendosur ende për përbërjen, nuk e di nëse do të ndryshoj diçka. Kur them se çdokush mund të jetë në formacionin fillestar, e kam fjalën pikërisht për këtë”, theksoi ai.
Ndeshja e çerekfinales Zvicër–Spanjë do të luhet në Shën Petërburg në orën 18:00.
