Kultivuan kanabis pranë banesës, 1 i arrestuar dhe 1 i proceduar në Tepelenë (EMRI)

Policia e Tepelenës ka zhvilluar një aksion për goditjen e rasteve të tentativës së kultivimit të bimëve narkotike.

Sipas bluve, një person ka rënë në pranga, ndërsa një tjetër është proceduar penalisht, teksa raportohet se në pranga ka rënë Armando Isufi, banues në fshatin Lekdush të Tepelenës dhe ka nisur procedim penal për shtetasin Xh.Zh, banues në fshatin Progonat, Tepelenë, pasi të dyve iu është konstatuar bimë narkotike në afërsi të banesave.

Ndërkohë materialet për shtetasit e mësipërm i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.

Njoftimi i plotë i policisë:

Tepelenë

Goditen 2 raste të tentativës për kultivim të bimëve narkotike.

Arrestohet në flagrancë 1 shtetas, procedohet penalisht 1 tjetër.

LEXO EDHE  Eurostat: Çmimet e larta, 13.5% e shqiptarëve nuk plotësojnë nevojat për ekzaminim mjekësor

Shërbimet e Komisariatit të Policisë Tepelenë, në bazë të informacioneve të siguruara, në vijim të kontrollit të territorit, me qëllim parandalimin, evidentimin dhe goditjen e rasteve të tentativës për kultivimin e bimëve narkotike, kanë evidentuar dhe goditur 2 raste të kësaj veprimtarie kriminale.

Në përfundim të veprimeve të para hetimore, specialistët për Hetimin e Krimeve në Komisariatin e Policisë Tepelenë arrestuan në flagrancë shtetasin A. I., banues në fshatin Lekdush, Tepelenë dhe proceduan penalisht shtetasin Xh. Zh., banues në fshatin Progonat, Tepelenë, pasi kanë tentuar të kultivojnë bimë narkotike në afërsi të banesave të tyre.

Materialet për shtetasit e mësipërm i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.